(追港女禁忌)想追女仔,以下呢「十句說話」千其唔好WHATSAPP同佢地講!

女仔最憎聽到的關心說話

好多毒男,成日以為下下都「關心」條女,就會令到佢中意你。

但聽都聽過啦:「男人唔壞,女人唔愛」。你對啲女人咁好,其實無用嫁!因為佢地根本唔會珍惜你。

如果你成日WHATSAPP加口埋口都講以下呢啲說話,你係個女仔,都覺得煩啦!

早前有人網UPLOAD左張圖,大概話男人最鍾意就係叫女朋友飲多啲(熱)水。你話你病,佢會叫你飲水;你M痛咩?都係叫你飲水;發燒呀?飲水啦,快啲好㗎!「唔回應又話你唔關心佢,應完又唔啱聽!」

少年你太年輕了,你以為女仔唔知你幫唔到佢咩?佢知㗎!所以佢係想你關心佢,多過想你夾硬搵嘢應。唔怕老實講,以下6句可能係女朋友最唔鍾意聽到嘅「關心」,男友們留意喇!


1. 飲多啲水!

醫生叫完佢飲水,輪到爸爸媽媽叫,同事又會提醒佢要飲暖水,連樓下看更伯伯聽到佢有兩聲咳都係叫佢飲水,你真係覺得佢係想男朋友同佢講句飲多啲水?


2. 早啲休息。

早啲休息/早啲瞓,通常係講完飲多啲水之後會講嘅嘢。

3. 冇事吖嘛?

唔好講病,有時唔開心,女朋友都會第一時間話畀另一半知。「冇事吖嘛?」有呀!梗係有啦!冇事佢點會話唔開心呀?

4. 唔好唔開心。

點樣可以唔好唔開心?定男朋友覺得呢一句就可以令女仔開心返?如果唔好唔開心就會開心返,佢應該唔洗搵人傾。

5. 唔好諗咁多。

可能你真心想佢唔好諗咁多,但對一個成個腦都係負能量嘅人嚟講,呢句說話係一啲效果都冇。

6. 唔好理啲人啦。

如果咁容易就可以唔理,佢一早就豁達咗。

男朋友要知道,喺女仔眼中,敷衍係睇得出㗎,講咗唔等於你關心咗。
「頂!咁究竟要講乜先滿意?啲港女真係好麻煩!」其實就咁嘅,重點就係喺「講」呢度,男仔執著於「要講乜」,而女朋友其實有時係寧願你「唔講」。
嚇?即係點呀?即係叫你做囉,你想佢飲水吖嘛,拎埋杯水畀佢,佢咪覺得你真心囉。你估佢唔知「唔好理啲人」就會冇事?但當下佢嬲吖嘛,你靜靜哋聽佢講曬,好似媽咪叫BB喊出嚟咁,佢發洩完就會識諗㗎喇。

加油啊巴打!